NO ALTO DO BARRIO...

E COMO NON TODOS SOMOS ROBOTS SEGUIMOS COÑECENDO OFICIOS ARTESANAIS, ESTA SEMANA TÓCANOS A TECELÁ. BUSCAMOS INFORMACIÓN SOBRE ESTE OFICIO E ATOPAMOS VÍDEOS DE COMO SE FAN AS TEAS. DESPOIS ESTIVEMOS A EXPLORAR  DIFERENTES TEAS E IMAXINÁMONOS O COMPLICADO QUE SERÍA FACELAS. PARA TERMINAR PEGAMOS NA NOSA FICHA UN TROCITO DE TEA QUE É O RESULTADO DE MESTURAR FÍOS E UNHA TEJEDORA.

COMO LEVAMOS MOITO TEMPO ESCOITANDO E LENDO POESÍAS UN CERTO DÍA DECIDIMOS QUE QUERIAMOS SER POETAS. BAIXAMOS AO EXPOSITOR E ATOPAMOS MOITOS LIBROS DE POESÍA, DECIDIMOS COLLELOS E VER COMO ERAN. UNHA VEZ DOCUMENTADOS EMPEZAMOS A CREAR NOSA PROPIA POESÍA, NON TARDAMOS MOITO POSTO QUE ESTABAMOS MOI INSPIRADOS, E DECIDIMOS QUE LLA LERIAMOS AOS DEMAIS NENOS O VINDEIRO MARTES DE POESÍA EXPRÉS. ESTE FOI O RESULTADO DO NOSO TRABALLO, ESPERAMOS QUE LLES GUSTE!!!

A GRAFOMOTRICIDADE DA SEMANA PASADA XURDIU PARA APROVEITAR UNS RESTOS DE FOLIOS DE CORES QUE MARÍA JOSÉ UTILIZOU NA CLASE DE ARTE. SEN PENSALO DÚAS VECES PUXÉMONOS A RECORTAR ESES FOLIOS EN TROCITOS PEQUENOS, TRABALLAMOS UNHA CHEA. UNHA VEZ QUE TIÑAMOS TODO RECORTADO A ACTIVIDADE CONSISTÍA EN FACER O DEBUXO QUE CADA UN QUIXESE COS RECORTES PEQUENIÑOS. PRIMEIRO CADA UN PENSOU QUE QUERÍA FACER E CANDO TIÑA A IDEA PLASMÁBAO NO PAPEL. COMO PODEDES VER NAS FOTOS OS TRABALLOS QUEDARON XENIAIS E NÓS MOI CONTENTOS DO NOSO TRABALLO.

ESTA SEMANA FOI IZAN O QUE NOS SORPRENDEU CUNHA PLANTILLA DOS MALOS DE MARIO BROS.  IZAN CONTOUNOS QUE O PASOU XENIAL FACENDO A PLANTILLA CO SEU PAPÁ E A SÚA IRMÁ CLAUDIA. NA CLASE EXPLICOUNOS CALES ERAN AS REGRAS PARA XOGAR. 

DESDE A BIBLIOBN RECIBIMOS UN CORREO CUNHA MISIÓN, DEBIAMOS INVESTIGAR QUE ACHEGARAN VARIAS MULLERES AO MUNDO DA ROBÓTICA. COMO ERAN MOITAS AS DIVIDIMOS ENTRE AS TRES CLASES. PUXÉMONOS AO CHOIO E EMPEZAMOS A INVESTIGAR. QUEDAMOS ALUCINADOS DA CANTIDADE DE ROBOTS QUE CREARAN. ESCRIBIMOS OS SEUS NOMES E AS SÚAS CREACIÓNS PARA QUE TODAS XUNTAS FORMEN PARTE DUN TRÍPTICO QUE PROXIMAMENTE VEREDES.

ESTA VEZ PLASMAMOS UNHA MAN NEGRA PARA REALIZAR A ACTIVIDADE DE GRAFOMOTRICIDADE. DIVIDIMOS A CARTOLINA EN CINCO PARTES CON AXUDA DOS NOSOS DEDITOS E DEBUXAMOS DIVERSAS COUSAS EN CADA UNHA. QUEDOUNOS FENOMENAL.  

SEGUIMOS INVESTIGANDO OS OFICIOS TRADICIONAIS E ESTA VEZ TÓCANOS O OLEIRO. NAVEGANDO POLA WEB ATOPAMOS VARIOS VÍDEOS ONDE PUIDEMOS VER COMO TRABALLABAN. DESPOIS DE VER OS VÍDEOS PUXÉMONOS AO CHOIO E EMPEZAMOS A MANIPULAR O BARRO.SAÍRONNOS UNHAS FIGURAS PRECIOSAS. DESPOIS DE CREAR AS NOSAS FIGURAS PUXÉMONOS A DECORALAS FINALMENTE PLASMAMOS EN PAPEL TODO O QUE APRENDEMOS

NON SÓ TRABALLAMOS OS BITS AO CHEGAR Á AULA SENÓN QUE UTILIZAMOS O ESCORNABOT PARA TRABALLAR A LECTOESCRITURA NESTA PLANTILLA  DE BITS.

ESTA SEMANA FOI DAMIÁN O QUE NOS SORPRENDEU CUNHA PLANTILLA DE NÚMEROS EN INGLÉS. O PROFE PABLO VAI A UTILIZAR MOITO NA SÚA CLASE DE INGLÉS.  DAMIÁN CONTOUNOS QUE O PASOU XENIAL FACENDO A PLANTILLA CO SEU PAPÁ E, AÍNDA QUE MANU É MOI PEQUENO E  NON SABE XOGAR CO ESCORNABOT, NON PERDEU A OPORTUNIDADE DE ENSEÑARSÉLO NA CLASE EXPLICOUNOS CALES ERAN AS REGRAS PARA XOGAR. 

HOXE COMEZAMOS A SEMANA DA PRENSA DECORANDO O NOSO   PANEL NO QUE POÑEREMOS DIFERENTES NOTICIAS  AO LONGO DA SEMANA.

HOXE YAGO ENSINOUNOS A TODOS O SEU SMART BOT . TRÓUXOLLO PAPÁ NOEL EN CASA DA SÚA MADRIÑA. ENCANTOUNOS, ESPECIALMENTE CANDO BAILABA. MOITAS GRAZAS YAGO POR COMPARTIR CONNOSCO O TEU ROBOT.

ESTA VEZ FOI ANXO O QUE NOS PRESENTOU AO SEU CYBER ROBOT. FUNCIONA A TRAVÉS DA TABLET E TAMÉN DE MANEIRA MANUAL. ENCANTOUNOS, ESPECIALMENTE TODOS OS SONS QUE FACÍA, NON PARABAMOS DE RIR. GRAZAS  ANXO POR COMPARTIR O TEU ROBOT CONNOSCO.