A AULA ROSA COMEZA A ROTAR POLOS AMBIENTES DE APRENDIZAXE

 DENDE SETEMBRO NO COLE ESTAMOS A TRABALLAR POR AMBIENTES DE APRENDIZAXE. DESPOIS DOS RECREOS, EN GRUPOS MIXTOS, @S NEN@S ROTAN SEMANALMENTE POR ELES.

A AULA ROSA TODAVÍA NON COMEZARA NESTA AVENTURA PERO A SEMANA PASADA FOI O SEU ESTREO, UN ESTREO CON GRAN ÉXITO.

EN GRUPOS DE 5 ROTARÁN SEMANALMENTE POLOS 4 AMBIENTES:

-FEDELLEIRO (Espazo Fedelleiro)

Experimentamos e fedellamos cos obxectos antigos que estamos a investigar: lavamos a roupa. moemos e peneiramos fariña, moemos café, cambiamos pilas...

-LÓXICA E ARQUITECTURA (Aula laranxa)

Traballamos con diferentes figuras xeométricas e construímos con elas

-LECTOESCRITURA E ARTE (Aula azul)

Xogamos e afondamos no mundo das letras a través do arte, modelado, na máquina de escribir...

-VIDA PRÁCTICA (Aula rosa)

Traballamos habilidades motrices, sociais, autonomía, responsabilidade, coidado do medio ambiente, corresponsabilidade... a través de actividades da vida cotiá: tendido de roupa, doblado calcetíns, traballo coas ferramentas, xogo simbólico (coidado de bebés, cociñar...)

A MÁQUINA DO TEMPO: O SEGUNDO TELÉFONO

SEGUIMOS COA INVESTIGACIÓN, ESTA SEMANA "O PETO" PRESENTÓUNOS O TELÉFONO DE GRAHAM BELL, O SEGUNDO TELÉFONO QUE XA COMUNICABA LUGARES MÁIS ALONXADOS

PARA REPRODUCIR ESTE TELÉFONO UTILIZAMOS DOUS EMBUDOS E UN TUBO CORRUGADO, E SÍ, SE ESCOITABA MOITO MILLOR

PENSANDO E FALANDO CHEGAMOS A IDEA DE QUE ESTES TELÉFONOS NON TIÑAN NÚMEROS, ENTÓN.... CÓMO FACÍAN?

SEGUIREMOS INVESTIGANDO!

POR OUTRA BANDA, ENTRE TÓDALAS CLASES ESTAMOS A CREAR O NOSO "HIT" DO PROXECTO, AFIANZANDO A TRAVÉS DA MÚSICA TODO O TRABALLADO.

POR SE ALGUNHA OU ALGÚN CANTA NA CASA A CANCIÓN COMEZA...

"TIC, TIC, TIC... A MÁQUINA DO TEMPO"

A MÁQUINA DO TEMPO: COMEZAMOS A NOSA INVESTIGACIÓN POLO TELÉFONO

 A NOSA MISTERIOSA MASCOTA, O PETO, SEMPRE NOS DEIXA SORPRESAS QUE INVITAN A INVESTIGAR E PENSAR

DESPOIS DA PRESENTACIÓN DO PROXECTO ESTA SEMANA ATOPÁMONOS ISTO

"O PETO" DEIXÓUNOS UNHAS IMAXES ANTIGAS E DIFERENTES OBXECTOS

ISTO LEVOUNOS A INVESTIGAR E DESCUBRIMOS QUE A IMAXE ERA DO PRIMEIRO TELÉFONO, "O TELETRÓFONO OU TELETRÓFONI" INVENTADO POR ANTONIO MEUCCI. 

SIMULAMOS O SISTEMA A TRAVÉS DO EXPERIMENTO DE DOUS VASOS E UNHA CORDA, E SÍ, FUNCIONABA!

POR ÚLTIMO REFLEXAMOS O TRABALLADO NO PAPEL IDENTIFICANDO E PEGANDO A VOGAL "O"

POR DETRÁS DE TÓDOLOS TRABALLOS REPRESENTAMOS O NOSO NOME 

A SEGUIR INVESTIGANDO!

POR SE VOS APETECE AQUÍ DEIXO UN VÍDEO EXPLICATIVO DA EVOLUCIÓN DO TELÉFONO PARA NEN@S

PLURIINFANTIL

 Ao longo deste curso, nas sesións de inglés, nalgúns patios e nalgunhas horas de ámbitos, acompañaranos Isabel, a nosa auxiliar de conversa procedente de California.

Benvida, Isabel!

A MÁQUINA DO TEMPO COMEZA A SÚA VIAXE

 O pasado luns deu comenzo o PROXECTO deste curso cunha presentación sensorial na BiblioBn

O tic-tac do reloxo e Ramona Órbita foron as protagonistas

“Ramona” acudiu ás aulas para invitarnos ao evento

Xa na Biblio o tempo foi pasando e obxectos do pasado foron emerxendo 

Nas clases poderemos investigar: cómo se inventaron, a súa evolución, uso, etc.

Algúns deles tamén pasarán a formar parte dos nosos ambientes de aprendizaxe.

Ao día seguinte acudimos á biblio a escoller o noso obxecto a investigar.

Os elexidos foron o teléfono e a cámara de fotos

Arrincamos! Subes!

OS CONTOS, O NOSO MELLOR RECURSO

 

A través dos contos estamos a afondar en conceptos básicos a traballar durante esta estapa coma formas xeométricas, tamaños, números, cores, letras (a nosa inicial), debuxar a nosa cara... Tentamos presentalos de diferentes xeitos e apoiarnos en soportes variados.

Tamén contamos cos recunchos, que irán variando ao longo do curso e veñen a apoiar o traballo da aula con propostas manipulativas, sensoriais e pequenos retos

AS PATRULLAS NAS RUTINAS DIARIAS

 Pouco a pouco avanzamos e somos quen de comenzar as rutinas de aula.

Para isto creamos as patrullas, cada semana elexirán a súa patrulla no panel

Tódolos días veremos que día é hoxe, que tempo vai, a estación na que estamos, limpiaremos as mesas, levaremos o compost ao patio...

As nosas rutinas coas súas cancións podedes velas nunha das pestanas superiores do blogue

PRIMEIROS DÍAS DA AULA ROSA

Levamos pouco tempo na escola pero xa estamos a facer noso este espazo, e as persoas que nos acompañan.

Nestes primeiros días o prioritario na aula é o benestar emocional dos máis pequen@s, respectar os seus ritmos, necesidades, sentimentos... para máis adiante poder avanzar noutros aspectos do desenvolvemento.

Estamos a coñecer as rutinas e os espazos, e non temos mellor ferramenta que os contos.

A través dos recunchos desenvolvemos habilidades e máis coñecemos normas e rutinas.

Xa visitamos o noso Espazo Fedelleiro para ler un conto baixo a Luz Negra, 

e despois debuxar a Leotolda coas pinturas flúor.

Tamén desfrutamos do patio e dos nov@s compañeir@s doutras aulas, que nos acompañarán neste espazo ao longo do curso.

 

LISTADO MATERIAL CURSO 25-26

 O gramaxe para o paquete de folios é de 80 gr

Ambito Artístico Maio

As creacións libres sobre xornal con pincel e acuarelas ou témpera, así como unha creación artística grupal co Borranchobot (sesión iniciada a partir dunha sesión previa co alumnado por parte dun taller que se levou a cabo grazas a Biblioteca Creativa) foron as propostas introducidas no mes de Maio. 

Ámbito Artístico Abril

Ao longo do mes de abril tiveron lugar varias propostas: mesa de luz con material non estructurado, debuxo de elementos reais e escritura do seu nome, recuncho artístico dotado de materiais variados para creacións libres, e introdución dun novo robot: Matatalab (Polos Creativos).

Ámbito Artístico Marzo

No mes de Marzo xerouse un recuncho para a presentación dun novo robot (Polos Creativos): o intelino, que se combinou con propostas de arte e acuarelas.

Ámbito Artístico Febreiro

No mes de Febreiro o ámbito centrouse en animais do mar e arte libre (con material non estructurado). 

TALLER DE ARTE: BODEGÓN PLÁTANO IOGUR

A partir da saida ao museo Abanca Fundación, fixemos un taller artístico sobre un sinxelo bodegón, creado polos nenos e nenas con algunhas das súas merendas. 

Representar graficamente tres elementos reais (mesa, iogur e plátano), dende diferentes perspectivas, traballo das proporcións, tamaño e cor. Finalmente entre todos e todas pensamos un título: “PLÁTANO IOGUR”, que rexistramos no caderno de arte. Aquí compartimos o proceso e bodegóns finais.