ACTIVIDADES DO MES DE DECEMBRO NA AULA ROSA

Durante estas semanas ademais de coñecernos e readaptarnos ás rutinas cos cambios que se produciron, estivemos a rematar a nosa investigación sobre os teléfonos, descubrindo teléfonos de cable e tamén teléfonos que xa se podían mover dun lugar a outro da casa como os inalámbricos para chegar aos actuais teléfonos móbiles que podemos trasladar dun lugar a outro.

Seguidamente, coa axuda da mestra Paula que tivo unhas ideas xeniais, investigamos sobre a cámara de fotos. Ollamos cámaras de diferente tipo e experimentamos coa misteriosa cámara escura, coa que poidemos xogar no exterior da escola e descubrir que por ela as imaxes saen ao revés.

 Despois rexistramos a información e tamén aprendemos e comparamos as letras da palabra cámara con algunhas do noso nome ou do nome dos amigos e amigas da aula.

 Foi unha experiencia moi divertida. Gracias á profe Paula por coidarnos acompañarnos e traernos tan boas ideas.

Tamén estivemos a facer traballiños relacionados co Nadal, puxemos entre todos a árbore e nela puidemos sacar fotos que despois empregamos para as nosas postais e cámara de fotos persoal.

Decoramos boliñas de Nadal e árbores con pompóns de cores, traballando así a nosa motricidade fina e a diferenciación das cores.

 Para rematar esta festividade visitounos o Apalpador, pensamos que nos ía dar medo pero era tan divertido todo o que nos contaba que foi unha xornada super divertida.

 O último día demos remate ás celebracións coa nosa panxoliña do Reno Rodolfo e coa degustación da merenda de churros con chocolate en familia. Foi un día moi especial.

 Felices Vacacións!!